Modern.az

Taxta bazarında zərərçəkən sahibkar: “70-80 min manatlıq ziyan dəyib”

Taxta bazarında zərərçəkən sahibkar: “70-80 min manatlıq ziyan dəyib”

Aktual

20 Aprel 2024, 20:18

Bakı şəhərinin Nərimanov rayonunda “Taxta bazarı” adlanan ərazidə baş vermiş yanğında sahibkarlara külli miqdarda ziyan dəyib.

 

Modern.az-ın məlumatına görə, yanğında zərər çəkən sahibkarlardan biri Mətləb Aslanov “Report”a bildirib ki, 80 kvadratmetrlik ərazidə təxminən 70-80 min manatlıq malı yanıb.

 

“Yanğın qonşu sexdən başlayıb. Heç bir sığorta şirkəti bazarı sığortalamayıb. Dəfələrlə müraciət olsa da, riskli ərazi olduğuna görə sığorta edilməyib”, - sahibkar deyib.

 

Qeyd edək ki, Fövqəladə Hallar Nazirliyi Dövlət Yanğından Mühafizə Xidmətinin qüvvələri tərəfindən Bakı şəhərinin Nərimanov rayonunda “Taxta bazarı” adlanan ərazidə baş vermiş yanğınla mübarizə tədbirləri davam etdirilir. Ümumilikdə, yanğınla mübarizə məqsədilə əraziyə 15-ə yaxın texnika və 70 nəfərə yaxın canlı qüvvə cəlb olunub.

Facebook
Dəqiq xəbəri bizdən alın!
Keçid et
Dronlar Putinin mülk və sarayı istiqamətində hücuma keçdi