Goranboy rayon İcra Hakimiyyətinin başçısı Məhərrəm Quliyev və KOBİA İdarə heyətinin sədri Orxan Məmmədov əvvəlcə, Goranboy şəhər Olimpiya İdman Kompleksində bir qrup sahibkar və fermerlərlə görüşüblər.
Modern.az xəbər verir ki, görüşdə, kiçik və orta biznesin inkişafı sahəsində mövcud problem və təkliflər dinlənildi, bu istiqamətdə qarşılıqlı müzakirələr aparıldı, sahibkar və fermerlərin sualları cavablandırıldı. Sonra, Goranboy rayonunda fəaliyyət göstərən iri istehsal müəssisəsi olan “G Group” MMC-nin fəaliyyəti ilə və yeni fəaliyyətə başlayan Kiçik və Orta Biznesin İnkişafı Agentliyinin yerli ofisi - “KOB dostu” ofisində mövcud şəraitlə yerində tanış olublar.
