Modern.az

Azərbaycanla Albaniya arasında əməkdaşlığın genişləndirilməsi müzakirə olundu

Azərbaycanla Albaniya arasında əməkdaşlığın genişləndirilməsi müzakirə olundu

Aktual

11 İyun 2024, 15:57

Azərbaycanın Baş naziri Əli Əsədov iyunun 11-də Albaniya Baş nazirinin müavini, infrastruktur və energetika naziri Belinda Ballukunun rəhbərlik etdiyi nümayəndə heyəti ilə görüşüb.

 

Bu barədə Modern.az-a Nazirlər Kabinetindən məlumat verilib.

 

Bildirilib ki, görüşdə Azərbaycan ilə Albaniya arasında dostluq münasibətlərinin müxtəlif sahələrdə inkişafından məmnunluq ifadə edilib.

 

Azərbaycan Hökuməti və Albaniya Hökuməti arasında iqtisadi əməkdaşlıq üzrə Hökumətlərarası Komissiyanın Bakıda keçirilən birinci iclasının əhəmiyyəti vurğulanıb.

 

Görüşdə iki ölkə arasında əməkdaşlığın iqtisadi, ticari, energetika, sərmayə qoyuluşu, nəqliyyat, mədəniyyət, səhiyyə, turizm və digər sahələrdə genişləndirilməsi perspektivləri ilə bağlı məsələlər müzakirə olunub.

 

Azərbaycan Respublikasının energetika naziri Pərviz Şahbazov görüşdə iştirak edib.

Twitter
Sizə yeni tvit var
Keçid et
Türkiyəli jurnalist Azərbaycanda nələr gördü?