Keşiş Baqrat Qalstanyanın rəhbərlik etdiyi "Vətən uğrunda Tavuş" hərəkatının İrəvanın Baqramyan prospektindəki 12 iyun tarixli mitinqində iştirak edən 12 nəfərə cinayət işi açılıb.
Modern.az xəbər verir ki, bu barədə məlumatı Ermənistanın İstintaq Komitəsi yayıb.
Məlumata görə, onlardan 8 nəfəri barəsində həbs, 4 nəfərlə bağlı isə ev həbsi ilə bağlı qətimkan tədbiri seçilib. Bir nəfər isə paytaxt ərazisini tərk etməmək şərti ilə sərbəst buraxılıb.
Həmçinin adı açıqlanmayan digər bir nəfərin isə axtarışa verildiyi qeyd edilib.
