Co Bayden prezidentlik yarışında iştirakdan imtina etdikdən sonra vitse-prezident Kamala Harris əsas potensial demokrat namizəd hesab olunur.
Modern.az “Bild”ə istinadən xəbər verir ki, məşhur “Simpsonlar” cizgi filminin pərəstişkarları cizgi serialında Amerikanın siyasi reallığına istinadlar tapıblar.
Beləliklə, "Gələcəkdə Bart" (2000-ci ilin buraxılışı) epizodunda Liza Simpson ABŞ tarixində ilk qadın prezident olur. Bu epizodda “Simpsonlar”ın animatorları Lizaya mirvari boyunbağı, bənövşəyi kostyum və böyük mirvari sırğalar hədiyyə edirlər.
Kamala Harris 2021-ci il yanvarın 20-də ABŞ-ın vitse-prezidenti kimi and içərkən məhz belə geyinmişdi. Baydenin namizədliyini irəli sürməyəcəyini elan etdikdən sonra “Simpsonlar” şousunun aparıcısı El Jean “X” mikrobloqunda ““Simpsonlar” proqnozunun bir hissəsi olmaqdan qürur duyuram" yazıb.
Eks-prezident Donald Trampın adı da “Simpsonlar” proqnozlarında hərdən-biə görünür. Belə ki, sözügedən epizodda Liza prezident Trampı əvəz edir və büdcədə böyük boşluq buraxdığından şikayətlənir.
2015-ci ildə yayımlanan başqa bir epizodda Homer Simpson diqqətini Trampın 2024-cü il kampaniyası posterinə yönəldir. Simpsonlar həmçinin ABŞ seçkilərində səsvermə maşınları ilə bağlı problemləri və Ledi Qaqanın Super Bouldakı çıxışını proqnozlaşdırıblar.
