1 sentyabr tarixində keçiriləcək növbədənkənar parlament seçkiləri ilə bağlı Qaradağ rayonu “ Qobu Park” Yaşayış Kompleksində 120 saylı Cəbrayıl-Qubadı seçki dairəsindən YAP-ın vahid namizədi Ceyhun Məmmədovun təbliğat-təşviqat kampaniyası çərçivəsində seçicilərlə növbəti görüşü keçirilib.
Modern.az xəbər verir ki, Cəbrayıl rayon ziyalılarının iştirakı ilə keçirilən görüşdə seçicilər namizəd Ceyhun Məmmədova seçkilərdə uğurlar arzuladıqlarını, ötən dövr ərzində görülən işləri yüksək qiymətləndirdiklərini, səsvermə günü fəallıq nümayiş etdirəcəklərini bildiriblər.
Seçicilər qarşısında çıxış edən Ceyhun Məmmədov cənab prezident tərəfindən aparılan islahatlar, “Böyük Qayıdış”-a hazırlıq, işğaldan azad edilmiş torpaqlarımızda aparılan abadlıq-quruculuq işləri, ilkin məskunlaşma, məşğulluq imkanları və s. məsələlərin dövlətimizin və cənab prezidentin daima diqqətində olması haqqında vətəndaşları məlumatlandırılıb, onların suallarına ətrafıı cavab verilib.
Görüşün sonunda seçicilərin fikir və təklifləri dinlənilib, mövcud problemlərin operativ qaydada həlli ilə müvafiq söhbətlər aparılıb.
