Vatsap messenceri istifadəçilərə yeni funksiyanı təqdim etməyə hazırlaşır.
Modern.az xəbər verir ki, bu barədə məlumatı “The Verge” dərc edib.
Məlumata görə, messencerdə yazışmaları təşkil etməyə və sizə lazım olan söhbətləri tez tapmağa kömək edəcək fərdi söhbət siyahıları olacaq.
Bildirilib ki, istifadəçilər siyahılar yarada və onlara “ailə” “iş” və ya “dost” kimi adlandıra bilərlər. Bu siyahılar ekranın yuxarısında görünəcək.
Yeni siyahı yaratmaq üçün söhbətlər ekranının yuxarısındakı filtr çubuğundakı “+” işarəsini vurmalısınız. Bundan sonra, siyahının adını daxil edə və hansı söhbətləri əlavə edəcəyinizi seçə bilərsiniz. Bir neçə siyahı varsa, xətt üfüqi şəkildə sürüşdürülə bilər.
Qeyd olunur ki, funksiya tədricən istifadəçilərin cihazlarına əlavə olunmağa başlayıb və bəzi “Android” sahibləri bu yenilikdən faydalana bilirlər. Funkisya yaxın zamanlarda daha çox istifadəçi üçün əlçatan olacaq.
