Qarabağa səfər edən Dünya dini liderlərinin qlobal Bakı Sammitinin iştirakçıları Ağdamdakı Şəhidlər xiyabanını ziyarət ediblər.
Modern.az-ın Qarabağa ezam olunmuş əməkdaşı xəbər verir ki, sammit iştirakçıları daha sonra Milli Qəhrəman Allahverdi Bağırovun məzarına baş çəkiblər.
Milli Qəhrəmanın qəbri üstündə Quran ayələri oxunub. Bunu Türkiyənin Diyanət İşləri İdarəsinin sədri Ali Erbaş icra edib.
Xatırladaq ki, Ağdam özünümüdafiə batalyonunun əfsanəvi komandiri Allahverdi Bağırov 1992-ci ilin 14 iyununda minaya düşərək şəhid olub. Həmin vaxt Allahverdi Bağırov Ağdamın Şəhidlər xiyabanında dəfn edilib. Müharibə vaxtı Bağırovun məzarının üzərinə beton tökülsə də, ona başdaşı qoyulmamışdı.
Vətən müharibəsindən sonra Allahverdi Bağırovun məzarının bərpa olunması barədə qərar qəbul edilib.
