Bruneyin Sultanı Hacı Həssənal Bolkiah nəhəng avtomobil parkının fotoları yayılıb.
Modern.az-ın məlumatına görə, sultanın kolleksiyasında 7 minə yaxın avtomobil olduğu bildirilir.
Avtomobillərin dəqiq sayı məlum olmasa da, kolleksiyanın dəyərinin milyardlarla dollar olduğu qeyd olunur.
Avtomobillərin şəkilləri "brunei_cars_2001" adlı instaqram səhifəsində yerləşdirilib.
Sosial şəbəkədə yayımlanan fotoşəkillərdə səkkiz "Ferrari F40", altı "McLaren F1", "Bugatti EB110", "Porsche 959", "Ferrari", "Rolls-Royce", "Mercedes-Benz" və digər markalı avtomobillər görünür. Sultanın parkından bəzi avtomobillər xüsusi olaraq onun üçün istehsal edilib və dünyada analoqu yoxdur. Məsələn "Bentley Dominator" model avtomobil sultanın sifarişi əsasında yığılıb.
Qeyd edək ki, Bruney Darussalamının Sultanı Hacı Həssənal Bolkiah ölkəni 15-ci əsrin ortalarından idarə edən sülalənin nümayəndəsidir. O, planetin ən zəngin monarxlarından biridir. 2020-ci ildə sultanın sərvəti 27,7 milyard dollar olaraq qiymətləndirilib.
