Gələn il yanvarın 29-da keçiriləcək bələdiyyə seçkilərində seçiləcək bələdiyyə üzvlərinin sayı açıqlanıb.
Modern.az xəbər verir ki, bu barədə Mərkəzi Seçki Komissiyasının (MSK) bu gün keçirilən iclasında MSK sədri Məzahir Pənahov məlumat verib.
MSK sədri deyib ki, 685 bələdiyyə üzrə 8071 bələdiyyə üzvü seçiləcək.
Məzahir Pənahov, həmçinin bildirib ki, indiyə qədər 9 nəfərin bələdiyyə üzvlüyünə namizədliyi irəli sürülüb.
Həmin namizədlər 6 seçki dairəsində irəli sürülüb.
İclasda qeyd olunub ki, bələdiyyə seçkilərində Vətəndaş Həmrəyliyi Partiyasının səlahiyyətli nümayəndələri qeydə alınıb. Vətəndaş Həmrəyliyi Partiyasının 21 nəfər səlahiyyətli nümayəndəsi, 1 şəxs isə maliyyə məsələləri üzrə səlahiyyətli nümayəndə təyin edilib.
