Gürcüstan parlamenti bu gün - dekabrın 10-da hakim “Gürcü arzusu” partiyasının fəxri sədri Bidzina İvanişvilinin, partiyanın sədri İrakli Qaribaşvilinin və prezidentliyə namizədliyi irəli sürülmüş Mixail Kavelaşvilinin deputatlıq səlahiyyətlərinə xitam verilməsi barədə qərar qəbul edəcək.
Modern.az xəbər verir ki, məsələyə əvvəlcə parlamentin Prosessual məsələlər və qaydalar komitəsində baxılacaq, daha sonra plenar iclasda səsverməyə çıxarılacaq.
Bundan əlavə, parlament üzvlüyünə uyğun olmayan mövqe tutduğuna görə parlamentin gündəliyinə İrakli Kobaxidze, Maki Boçorişvili, Anri Oxanaşvili, David Sonqulaşvili və Mariam Kvrivişvilinin deputat səlahiyyətlərinə xitam verilməsi məsələsi də daxildir.
İrakli Kobaxidze hələ də baş nazir, Maka Boçorişvili xarici işlər naziri, Anri Oxanaşvili ədliyyə naziri, David Sonqulaşvili ətraf mühit və kənd təsərrüfatı naziri, Mariam Kvrivişvili isə iqtisadiyyat və iqtisadi inkişaf nazirinin müavini təyin edilib.
