İran İslam Respublikasının ali rəhbəri Ayətullah Xamenei bu gün İmam Xomeyni Hüseyniyyəsində müxtəlif təbəqələrdən olan minlərlə vətəndaşla görüşüb.

Modern.az xəbər verir ki, İran KİV-lərinin məlumatına görə, bu görüşdə Ayətullah Xamenei regionda baş verən son hadisələri dəyərləndirib.

Ayətullah Xamenei Suriyadakı proseslərə işarə edərək, “Şübhə olmamalıdır ki, Suriyada baş verənlər Amerika və sionistlərin (İsrail-red.) birgə planının məhsuludur. Bəli, Suriyaya qonşu hökumət bu sahədə açıq-aşkar rol oynayıb və hələ də oynayır – bunu hamı görür – amma əsas sui-qəsdçi və əsas komanda sionist rejim və ABŞ-dır. Bizdə bununla bağlı ipucu var. Bu sübut şübhəyə yer qoymur” deyib.

Ayətullah Xamenei regionda baş verən proseslərlə bağlı deyib: “Bu müqavimətdir, bu müqavimət cəbhəsidir; Onu nə qədər itələyirsənsə, bir o qədər güclənir, nə qədər çox cinayət törədirsən, bir o qədər həvəslənir. Nə qədər çox mübarizə aparsanız, onun əhatə dairəsi bir o qədər geniş olar. Deyirəm ki, Allahın köməyi ilə müqavimətin əhatə dairəsi əvvəlkindən daha çox bütün bölgəyə genişlənəcək”.

Xamenei "Müqavimətin mənasını bilməyən o cahil analitik düşünür ki, müqavimət zəiflədikcə, İslam İranı da zəifləyəcək. Demək istəyirəm ki, İran güclüdür və Allahın izni ilə daha da güclənəcək" deyib.