Salyanda Ümummilli lider Heydər Əliyevin vəfatının 21-ci ildönümü ehtiramla yad edilib.

Anım günü ilə əlaqədar RİH  başçısı Rüstəm Xəlilov, hüquq-mühafizə orqanlarının, idarə, müəssisə, təşkilatların rəhbərləri, “N” saylı hərbi hissənin əsgər və zabitləri, rayon ictimaiyyətinin çoxsaylı  nümayəndələri Heydər Əliyev adına Parkda Ümummilli liderin abidəsini ziyarət edib, önünə gül-çiçək dəstələri düzərək, müasir, müstəqil Azərbaycanın banisi və qurucusu dahi şəxsiyyətə hörmət və ehtiramlarını bildiriblər. 

Daha sonra mərasim iştirakçıları Heydər Əliyev Mərkəzində dahi şəxsiyyətin nəsillərə nümunə olan həyat və fəaliyyətini əks etdirən çoxsaylı foto-eksponatlarla, Salyan rayonuna tarixi səfərlərinə dair stendlərlə tanış olmuş, Ümummilli lider Heydər Əliyevin həyatını əks etdirən “Dahi şəxsiyyət” adlı qısa metrajlı sənədli filmə tamaşa ediblər. 

Əvəzoulmaz xidmətləri ilə öz adını Azərbaycan tarixinə əbədi həkk etmiş dahi siyasi xadim-həyat və fəaliyyəti hər bir Azərbaycan vətəndaşının qürur mənbəyinə çevrilmiş Ulu Öndər Heydər Əliyevin əziz xatirəsini salyanlılar da daim böyük minnətdarlıq hissi və ehtiramla yad edir. Bütün mənalı ömrünü xalqa həsr edən,  nurlu şəxsiyyətə bəslənilən sevgi salyanlıların qəlbində sonsuzdur. Salyanlılar onun xidmətlərini heç vaxt unutmayacaq, parlaq ideyalarını öz yollarında mayaka çevirəcəklər.