14-15 dekabr tarixlərində Gəncə Memorial Hospitalın xüsusi dəvətilə Ə.Əliyev adına Azərbaycan Dövlət Həkimləri Təkmilləşdirmə İnstitutunun Otorinolarinqologiya Kafedrasının dossenti, Azərbaycan Rinoloqlar Cəmiyyətinin sədri, həkim Otorinolarinqoloq t.ü.f.d. Dr.Məzahir Quliyev və Ə.Əliyev adına Azərbaycan Dövlət Həkimləri Təkmilləşdirmə İnstitutunun Otorinolarinqologiya kafedrasının müdiri, Azərbaycan Otorinolarinqoloqlar Cəmiyyətinin sədri, Prof. Nazim Hüseynov tərəfindən tibbi aksiya həyata keçiriləcək.
Modern.az xəbər verir ki, aksiya çərçivəsində pasiyent qəbulu təmannasız olaraq həyata keçiriləcək. Bu aksiya Gəncə şəhəri və ətraf regionlarda yaşayan sakinlər üçün nəzərdə tutulub. Bu xeyirxah aksiyada mütəxəssis həkimlər öz peşəkar təcrübələri vasitəsilə burun, boğaz, qulaq və baş-boyun nahiyəsində yaranan müxtəlif xəstəliklərin diaqnostikası və müalicəsini həyata keçirəcəklər.
Aksiyanın əsas məqsədi əhalinin sağlamlıq problemlərinin vaxtında aşkarlanmasını və müalicəsini təmin etmək, eyni zamanda sosial dəstək göstərərək ehtiyaclı pasiyentlərə lazımi tibbi yardım göstərməkdir.
.
Tarix: 14-15 dekabr 2024-cü il
Məkan: Gəncə Memorial Hospital
