14 dekabr 2024-cü il tarixində 105 saylı Tovuz-Gədəbəy seçki dairəsi üzrə millət vəkili Arzu Nağıyev tərəfindən Tovuz rayonunun Qovlar şəhərində vətəndaş qəbulu keçirilib.
Modern.az xəbər verir ki, qəbula qatılan sakinlər əsasən sosial təminat, məşğulluq, kommunal xidmətlər, yolların təmiri və digər gündəlik həyatla bağlı problemlərini dilə gətiriblər.
Millət vəkili Arzu Nağıyev vətəndaşların müraciətlərini diqqətlə dinləyib və qaldırılan məsələlərin aidiyyəti qurumlar qarşısında həll olunması üçün səy göstərəcəyini vurğulayıb.
"Vətəndaş məmnuniyyətinin təmin olunması bizim üçün əsas prioritetdir. Bu məqsədlə vətəndaş qəbulları davam edəcək," - deyə millət vəkili bildirib.
