Bəzən ətrafımızda insanların yerli-yersiz yüksək səslə danışmalarının şahidi oluruq. Bu da bir çox hallarda insanların narahatlığına səbəb olur.
Modern.az-a danışan psixoloq Nizami Orucovun sözlərinə görə, bu hal, demək olar ki, psixi problemdir:
“Çünki bu sinir sistemi ilə bağlı bir şeydir. Və normal sinir sisteminə sahib insan yüksək səslə danışma ehtiyacı hiss etməz. Burada təbii ki, bir neçə faktor da sadalamaq olar. Məsələn, səs tellərinin quruluşu, genetik səbəblər və sair.”.
Psixoloq bildirib ki, yüksək səslə danışmaq normalı olan insanlar var:
“Amma bəzi insanlarda da eşidilmək, görülmək, fərqinə varılmasını istədiyi üçün daim yüksək səslə danışa bilərlər. Çünki, bu onların özünü sübut etməsi və özünü göstərməsinə kömək edir. Yəni nəticə olaraq, buna səbəb olaraq təkcə, “psixoloji problemdir” etiketini yapışdırmaq da düz deyildir”.
