Türkiyə prezidenti Rəcəb Tayyib Ərdoğan Mixail Kavelaşvilini Gürcüstanın prezidenti seçilməsi münasibətilə təbrik edib və Gürcüstan dövlətinin yeni başçısı dövründə iki ölkə arasında sıx və dostluq münasibətlərinin daha da inkişaf edəcəyinə əminliyini bildirib.
Modern.az xəbər verir ki, bu barədə Türkiyə KİV-nin məlumatında bildirilib.
“Hörmətli seçilmiş Prezident, yaxın mehriban qonşuluq və strateji tərəfdaşlıq münasibətlərimiz olan Gürcüstanın Prezidenti seçilməyiniz münasibətilə Zati-alinizi öz adımdan və xalqım adından səmimi qəlbdən təbrik edir, bu şərəfli vəzifəni yerinə yetirməkdə sizə uğurlar arzulayıram”, - Ərdoğanın məktubda deyilir.
Türkiyə dövlət başçısı əmin olduğunu bildirib ki, iki ölkə arasında sıx əməkdaşlıq Kavelaşvili vəzifəyə gəldikdən sonra da davam etdiriləcək.
Mixeil Kavelaşvili dekabrın 14-də Gürcüstanın prezidenti seçilib. O, seçki kollegiyasından 224 səs toplayıb. İnauqurasiya dekabrın 29-da baş tutacaq.
