YAP Kəlbəcər rayon təşkilatı tərəfindən 24 dekabr 2024-çü il tarixdə möhtərəm Prezident İlham Əliyevin doğum günü ilə əlaqədar "Qətiyyətli Lider - Suveren ölkə!" adlı tədbir keçirİldi.
Modern.az xəbər verir ki, tədbirdə YAP Kəlbəcər rayon təşkilatının sədri Həbib Misirov, Kəlbəcər rayon İcra Hakimiyyəti Hüquq şöbəsinin müdri Faiq Mehdiyev, Ərazi Partiya təşkilatı sədrləri və YAP fəalları iştirak edirdilər. İlk öncə Umummilli lider Heydər Əliyevin və canlarını ölkəmizin ərazi bütövlüyü uğrunda qurban vermiş şəhidlərimizin müqəddəs ruhları bir dəqiqəlik sükutla yad edildi.
YAP Kəlbəcər rayon təşkilatının sədri Həbib Misirov çıxış edərək bildirdi ki, Möhtərəm Prezident İlham Əliyevin 21 illik Prezidentlik fəaliyyəti Azərbaycan tarixinə qızıl hərflərlə yazılan inkişaf və qələbələr səlnaməsidir. Dövlət başçımızın Prezidentlik fəaliyyətinin ilk günlərindən başlayaraq,xalqımız qarşısında verdiyi bütün vədləri uğurla yerinə yetirməsi, onun hər bir azərbaycanlıya və ölkəmizin problemlərinə böyük həssaslıqla yanaşması Prezident İlham Əliyevin özünün dediyi kimi,"Mən hər bir azərbaycanlının Prezidenti olacağam" vədinin mütləq surətdə reallaşdığını bir daha təsdiq etdi. Məhz Prezident İlham Əliyev xalqın sevgisini və dəstəyini qazanaraq, Azərbaycanı dünyanın ən güclü dövlətlərindən birinə çevirdi. Uzun illər həllini tapmamış münaqişəni qısa müddətdə-44 gün ərzində həll etdi və Azərbaycanın əzəli torpaqları 30 illik işğaldan sonra erməni faşistlərindən azad olundu. Müzəffər Ali Baş Komandan bizi rəhbərlik etdiyi rəşadətli Azərbaycan ordusu ilə bərabər qələbədən-qələbəyə daşıdı. Azərbaycan tarixinə qızıl hərflərlə yazılmış bu Zəfər həm də xalqımızın qəhrəmanlıq salnaməsinə çevrildi və süverenliyimiz bərpa olundu.
Kəlbəcər rayon İcra Hakimiyyəti Hüquq şöbəsinin müdiri Faiq Mehtiyev, Dövlət Qulluqçuları və İdarə İşçiləri AHİ Kəlbəcər rayon komitəsinin sədri Əli Bağırov, Şərqi Zəngəzur regional Təhsil İdarəsinin Kəlbəcər rayonu üzrə Təhsil sektoru Ərazi Partiya təşkilatının sədri Namiq Rəcəbov, Kəlbəcər Su-meliorasiya Sistemlərinin İstismarı İdarəsi Ərazi Partiya təşkilatının sədri Azər Xankişiyev, Şərqi Zəngəzur regional Mədəniyyət İdarəsi Kəlbəcər rayon Mədəniyyət sektoru Ərazi Partiya təşkilatının sədri Xaliq Muxtarov, "Kəlbəcər rayon Mərkəzi Xəstəxanası" publik hüquqi şəxs Ərazi Partiya təşkilatının sədri Ənvər İmaməliyev, Şərqi Zəngəzur Regional Məşğulluq Filialının Kəlbəcər rayon xidmət şöbəsi Ərazi Partiya təşkilatının sədri Hikmət Yusibov, Kəlbəcər rayon Statistika İdarəsi Ərazi Partiya təşkilatının sədri Ramil Salmanov,Kəlbəcər Dövlət Aqrar İnkişaf Mərkəzi Ərazi Partiya təşkilatının sədri Nicat Sadıqov, Şərqi Zəngəzur Regional Gənclər və İdman İdarəsi Kəlbəcər rayonu üzrə Gənclər və İdman sektorunun baş məsləhətçisi Hikmət Şahmuradov, ƏƏSM Nazirliyi tabeliyində DSMF publik hüquqi şəxsinin Şərqi Zəngəzur regional filialı Ərazi Partiya təşkilatının sədr müavini Elnur Nərimanov, Kəlbəcər 109 saylı orta məktəbin ditektor müavini Şikar Baxışov, Təhsil sektorunun məsləhətçisi Məftun Kamalov və digər çıxış edənlər bildirdilər ki, artıq 21ili arxada qoyan prezidentliyi dövründə İlham Əliyev saysız-hesabsız nailiyyətlərə imza atıb. Bu nailiyyətlər siyasi, diplomatik, iqtisadi, hərbi, sosial, təhsil, mədəniyyət idman sahələri də daxil olmaqla, həyatın hər bir sahəsində özünü parlaq şəkildə təzahür etdirir. Bu nailiyyətlər sırasında ölkəmizdə qaçqın və məcburi köçkünlərə 30 ilə yaxın bir dövr ərzində göstərilən qayğı xüsusi qeyd edilməlidir.
Təsadüfi deyil ki, Prezident İlham Əliyev dəfələrlə bəyan edib ki, sosial siyasət Azərbaycanın dövlət siyasətinin ayrılmaz hissəsidir: “Bizim siyasətimizin mərkəzində Azərbaycan vətəndaşı dayanır”.
Bu nailiyyətlərin, bu sahələrin hər biri ölkəmiz üçün çox böyük əhəmiyyət daşıyır. Sonda YAP Kəlbəcər rayon təşkilatının Ərazi Partiya təşkilatları Fəxri Diplomla təltif edildilər.
