Cənubi Koreyanın Muan hava limanında "Boeing 737-800" təyyarəsinin qəzaya uğraması nəticəsində yalnız iki nəfərin sağ qaldığı güman edilir.

 

Modern.az-ın məlumatına görə, bu barədə "Yonhap" agentliyi xəbər yayıb.

 

Yanğınsöndürmə xidmətinin ilkin məlumatına görə, yerdə 179 nəfər həlak olub. İndiyədək 85 nəfərin öldüyü təsdiqlənib.

 

Sağ qalan bir kişi və qadının ekipaj üzvü olduğu bildirilir. Onlar təyyarənin arxa tərəfində olublar.

 

***

07:29

Cənubi Koreyada "Boeing 737-800" sərnişin təyyarəsi Muan hava limanına enərkən hasara çırpılaraq alovlanıb.

 

Modern.az xəbər verir ki, bu barədə "Yonhap" agentliyi məlumat yayıb.

 

Təyyarədə 175 sərnişin və 6 ekipaj üzvü olub. İndiyədək 62 nəfərin həlak olduğu barədə məlumat verilib.

 

Təyyarə Cənubi Koreyanın "Jeju Air" aviaşirkətinə məxsusdur. Layner Banqkokdan qayıdırdı. Eniş zamanı hava gəmisi uçuş-enmə zolağından çıxıb, qoruyucu barmaqlıqlarla toqquşub, parçalanıb və alovlanıb.

 

Yanğınsöndürənlər yanğını söndürüblər. Təyyarənin arxa hissəsində sıxışan insanlar üçün xilasetmə əməliyyatı aparılır, sağ qalanlar var. İlkin məlumata görə, qəzaya səbəb eniş qurğusunun nasazlığı ola bilər.

 

Muan şəhəri Cənubi Koreyanın cənub-qərbində yerləşir. Əhalisi 100 min nəfərdən azdır.