Ermənistanın ilk prezidenti Levon Ter-Petrosyanın “Yerkrapa” hərbi təşkilatının 1993-cü il iyulun 23-24-də keçirilmiş Birinci Qurultayında səhra komandirləri qarşısında etdiyi çıxışın videoyazısı ilə bağlı daha bir təfərrüat məlum olub.
Modern.az xəbər verir ki, məşhur bloger Albert İsakov Yutub sosial platformasında paylaşdığı videoyazını yenidən şərh edib. Albert İsakov deyib ki, Ter-Petrosyanın həmin qurultaydakı çıxışı zamanı “Yerkrapa” təşkilatının rəhbəri, Ermənistanın müdafiə naziri Vazgen Sarkisyan söz alaraq xəbərdarlıq edib. Vazgen Sarkisyan deyib ki, bu video yayılmamalıdır, çünki ermənilərə ziyan gətirə bilər. Bununla da o, Azərbaycan xalqına qarşı törətdikləri cinayətin düşünülmüş gizli erməni strategiyasının bir parçası olmasının rəsmən etiraf olunmasını əngəlləməyə çalışıb.
Ancaq üstündən illər keçəndən sonra Ter-Petrosyanın məlum videosu işıq üzü görüb.
“Ter-Petrosyanın bu çıxışı hüquqi cəhətdən o qədər əhəmiyətlidir ki, “cinayətlə bağlı yeni açılmış hal” kimi qiymətləndirilməli və qanunvericiliyin tələbinə uyğun, erməni cinayətlərinin istintaqı üzrə icraat təzələnməlidir. Nəticədə Ter-Petrosyanın və digərlərinin istintaqa cəlbetməsi həyata keçirilməlidir. Yəni çıxış çox önəmli yeni açılmış hal, sübut və etirafdır”, - deyə hərbi icmalçı, ehtiyatda olan polkovnik-leytenant Nazim Bayram deyib.
Qeyd edək ki, Levon Ter-Petrosyanın 1993-cü il iyulun 23-24-də lentı alınmış videosu 2024-cü il noyabrın 28-dı erməni erməni dilindəki saytda yerləşdirlib. Daha sonra isə yutub social platformasında yayılıb.
A.Qorxmaz
