Bakının müasirliyindən, təmizliyindən danışarkən şəhərin bəzi ərazilərində tam əksi mənzərə ilə qarşılaşırıq. Xüsusilə Suraxanı rayonunun Hövsan yolunda, Duzlu göl ərazisində çəkilmiş görüntülər acınacaqlı vəziyyəti göz önünə sərir.
Modern.az xəbər verir ki, burada qalaqlanmış zibillər, baxımsızlıq və ekoloji fəlakətə çevrilmiş ərazi bir neçə ay əvvəl COP29-a ev sahibliyi edən Bakıya düşmənçilikdir və suallar doğurur: Aidiyyəti qurumlar bu mənzərəni görmür, yoxsa görməzdən gəlir?
Şəhərdə hər hansı tikinti işlərinə başlamaq istəyəndə dərhal rəsmi qurumlar müdaxilə edir, amma ekoloji vəziyyətə gəldikdə sanki hamı səssizliyə qərq olur. Bəs Suraxanı Rayon İcra Hakimiyyəti, bələdiyyə, Ekologiya və Təbii Sərvətlər Nazirliyi hara baxır?
Bu məsələni gündəmə gətirərək aidiyyəti qurumlardan açıqlama gözləyirik. Bakının simasını çirkləndirən bu mənzərənin nə zaman aradan qaldırılacağı sual olaraq qalır.
