20 sentyabr 2023-cü il tarixində həyata keçirilmiş lokal antiterror tədbirləri zamanı şəhid olan Tuncay Əlizadənin anası vəfat edib.
Modern.az-ın xəbərinə görə, bu barədə şəhid Vüsal Vəliyevin qardaşı Elyar İslamoğlu məlumat yayıb.
Şəhidin anası Rəna xanım dünyasını dəyişib.
Tuncay Əlizadə 25 noyabr 2004-cü il Ağcabədi rayonu Salmanbəyli kəndində anadan olub. O, Ağdam rayonu Sırxavənd kəndi istiqamətində gedən döyüşlərdə şəhid olub.
Tuncay Əlizadə ölümündən sonra "Vətən uğrunda” medalı və 3-cü dərəcəli “Vətənə xidmətə görə” ordeni ilə təltif edilib.
