Çin lideri Si Cinpin 9 may 2025-ci ildə Böyük Vətən Müharibəsinin 80 illiyini qeyd etmək üçün Moskvaya gəlməyə hazırlaşır.
Modern.az xəbər verir ki, bu barədə Rusiyanın Çindəki səfiri İqor Morqulov “Rossiya 24” telekanalının efirində deyib: “Öz növbəsində si Cinpin Vladimir Putini sentyabrın əvvəlinə planlaşdırılan bayram tədbirləri üçün Çinə dəvət edib.
Bu il Çin də Yaponiya üzərində qələbənin və İkinci Dünya Müharibəsinin başa çatmasının 80 illiyini qeyd edəcək. Pekin hələlik Si Cinpinin Moskvaya səfərini rəsmən təsdiqləməyib. O, sonuncu dəfə 2015-ci ildə Moskvada keçirilən Qələbə paradında iştirak edib. Putinə yeni il təbrikində Çin lideri “dünya antifaşist müharibəsi”ndə qələbənin 80-ci ildönümündə Rusiya ilə əməkdaşlığı dərinləşdirəcəyini vəd edib.
Bundan əvvəl Kreml bəyan etmişdi ki, Rusiya mayın 9-da Moskvaya çoxlu dövlət başçısını dəvət edib. Slovakiyanın Baş naziri Robert Fiko, Serbiya Prezidenti Aleksandr Vuçiç, Fələstin Milli Administrasiyasının rəhbəri Mahmud Abbas və Braziliya Prezidenti Luis İnasio Lula da Silva Qələbə paradında iştirak etmək niyyətlərini açıqlayıblar.
