2024-cü ildə qadınlar üçün ən yaxşı ölkələrin statistikası açıqlanıb.
Modern.az xəbər verir ki, "U.S. News and World Report"a görə, statistika 8 mindən çox qadının iştirak etdiyi qlobal sorğunun nəticələrinə əsaslanır.
Reytinq respondentlərin ölkələrin gender, kişi və qadın arasında gəlir bərabərliyi, habelə ölkənin qadınların inkişafına nə qədər açıq olması, təhlükəsiz və insan haqlarına önəm verən yer olması ilə müəyyənləşib.
Qadınlar üçün ən yaxşı ölkələr sırasında Avropa, Asiya, Şimali və Cənubi Amerika ölkələri yer alıb. Azərbaycan isə bu siyahıda 79-cu pillədə qərarlaşıb. Qeyd edək ki, reytinqdə ümumi olaraq 89 ölkə iştirak edib. İlk 10-luqda İsveç, Danimarka, Norveç, Finlandiya,Hollandiya, Kanada, İsveçrə, Yeni Zelandiya, Avstraliya və Almaniya yer alıb.
Bundan başqa Səudi Ərəbistan - 32, Rusiya - 44, Ukrayna – 48, Türkiyə -56, İsrail – 66, Qazaxıstan -83, Özbəkistan – 85, İran isə siyahıda sonuncu yerdə dayanır.
