Rusiyanın xarici işlər naziri Sergey Lavrov İranın xarici işlər naziri Abbas Arakçinin dəvəti ilə Tehrana səfər edib.

Modern.az İran KİV-nə istinadən xəbər verir ki, Sergey Lavrov Tehranda rəsmi danışıqlar aparacaq.

Lavrovun iranlı həmkarı Abbas Arakçi ilə görüşəcəyi bildirilib.

Nazirlərin Tehran-Moskva münasibətlərini müzakirə edəcəyi qeyd olunub və əlavə edilib ki, “danışıqlar zamanı enerji və nəqliyyat sahələrində əsas birgə layihələrin həyata keçirilməsi kontekstində qarşılıqlı faydalı ticari-iqtisadi əməkdaşlığın daha da inkişaf etdirilməsi xüsusi vurğulanacaq.

Məlumata görə, iki nazir həmçinin Suriya, Cənubi Qafqaz, Əfqanıstan, Yəmən və Körfəzdəki vəziyyət, Fələstin və Xəzər məsələləri, İranın nüvə proqramı üzrə Birgə Hərtərəfli Fəaliyyət Planı ətrafında vəziyyət də daxil olmaqla bir sıra aktual beynəlxalq məsələlər ətrafında fikir mübadiləsi aparacaqlar.

Sergey Lavrov fevralın 23-24-də Ankaraya gedib və danışıqlar aparıb.

Ukrayna müharibəsinin 3-cü ildönümündə Ankaraya səfər edən Lavrov Türkiyə prezidenti Rəcəb Tayyib Ərdoğan və xarici işlər naziri Hakan Fidanla görüşüb.

***

Rusiyanın xarici işlər naziri Sergey Lavrov bu gün İrana səfər edəcək.

Modern.az xəbər verir ki, bu barədə Rusiya Xarici İşlər Nazirliyi məlumat yayıb.

Səfər zamanı Rusiya-İran münasibətlərini, reginondakı vəziyyət müzakirə ediləcək