Bakıdakı "Hilton" otelində Prezident Administrasiyasının təşkilatçılığı ilə “Suverenliyin bərpası: siyasi müstəvidə yeni münasibətlər sisteminin formalaşdırılması” mövzusunda dəyirmi masa keçirilib.
Modern.az xəbər verir ki, dəyirmi masada ölkədə fəaliyyət göstərən 26 siyasi partiyadan 24-nün (Müsavat və AXCP-dən başqa) nümayəndələri, həmçinin politoloqlar, siyasi şərhçilər, KİV təmsilçiləri iştirak ediblər.
Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyev mövzu ilə bağlı məruzə edib, bu sahədə görülən işlərdən danışıb.
Daha sonra siyasi partiya təmsilçiləri və digər tədbir iştirakçıları çıxış ediblər.
Görüşdə iqtidar-müxalifət münasibətlərinə, tərəflər arasında dialoq məsələsinə də toxunulub.
