Bu uşaqlardan hansısa yaxın gələcəkdə Azərbaycan futbolunun məşhur simalarından birinə çevrilə bilər. Hələlik isə onlar yenidən dirçələn Laçın şəhərində ilk məşqlərini keçirlər.
Qaçqınların və Məcburi Köçkünlərin İşləri üzrə Dövlət Komitəsi tərəfindən Böyük Qayıdışa dair I Dövlət Proqramının Tədbirlər Planının icrası çərçivəsində təşkil olunan növbəti fləşmob balaca laçınlıların futbol sevgisinə həsr edilib. Şəhərdə onların bu sevimli məşğuliyyəti üçün lazımi şərait yaradılıb.
Qeyd edək ki, Böyük Qayıdışın başlandığı vaxtdan indiyədək Laçın rayonunda 847 ailə (3129 nəfər) daimi məskunlaşdırılıb. Laçının balaca futbolçularına həsr olunmuş fləşmobla bağlı hazırlanmış videoçarxı təqdim edirik.
