2024-cü ildə təhlükəsizlik sahəsində hüquqazidd əməllərə dair faktlar üzrə 288 şəxs barəsində 196 cinayət işinin istintaqı aparılıb.
Modern.az-ın məlumatına görə, bu barədə Nazirlər Kabinetinin Milli Məclisə daxil olan hesabatında bildirilib.
Həmin cinayət işləri dövlətə xəyanət, casusluq, terrorçuluq, terrorçuluğa hazırlıq, Azərbaycandan kənarda silahlı münaqişələrdə iştirak etmək mqəsədilə sabit qrup yaratmaq, hakimiyyəti zorla ələ keçirmə, dövlətin konstitusiya quruluşunu zorla dəyişdirmə, terrorçuluğu maliyyələşdirmə, terrorçuluğa açıq çağırışlar, terrorçuluq barədə bilə-bilə yalan məlumat vermə, dövlət əleyhinə açıq çağırışlar, kibercinayət, dövlət əmlakını mənimsəmə və israf etmə, vəzifə səlahiyyətlərindən su-istifadə, hədə-qorxu ilə tələb etmə, narkotik vasitələrin qaçaqmalçılığı, Azərbaycan Respublikasından xarici ölkəyə və ya xarici ölkədən Azərbaycan Respublikasına qanunsuz pul keçirilməsi, qanunsuz olaraq silah-sursat əldə etmə, saxlama, daşıma, gəzdirmə, dini ekstremist materialları hazırlama, saxlama, yayma, rəsmi sənədləri, dövlət təltiflərini, möhürləri, ştampları, blankları saxtalaşdırma, qanunsuz hazırlama, satma və ya saxta sənədlərdən istifadə etmə və s. faktlarla bağlı olub.
