Azərbaycan Respublikası Milli Məclisinin deputatı, ilahiyyat üzrə fəlsəfə doktoru Ceyhun Məmmədov Ramazan ayının savabı və cəmiyyətə faydası barədə sosial şəbəkədə paylaşım edib.

 

Modern.az xəbər verir ki, deputat, oruclu insanlar üçün iftar süfrələrinin təşkilinin və ehtiyac sahiblərinə yardım etməyin bu ayın fəzilətlərindən biri olduğunu vurğulayıb.  

 

O, İslamın ibadətlərinin əsas qayəsinin ictimai fayda olduğunu qeyd edərək, Peyğəmbərimizin (s) “Kim bir orucluya iftar verərsə, oruclu qədər savab qazanar” hədisini xatırladıb. Ceyhun Məmmədov bildirib ki, bu ənənə bir çox müsəlman ölkələrində geniş yayılıb və insanlar arasında birlik və həmrəyliyi daha da gücləndirir.

 

 

Deputat, Ramazan ayında imkan daxilində ehtiyac sahiblərinə kömək etməyə, iftar süfrələri təşkil edərək insanları sevindirməyə çağırıb. O, gücü çatmayanların isə ərzaq yardımı ilə də bu xeyirxah işə töhfə verə biləcəyini vurğulayıb.

 

Ceyhun Məmmədov paylaşımında, həmçinin dövlətin güclü olması üçün cəmiyyətdə birlik və həmrəyliyin vacibliyini qeyd edib və "Allah dövlətimizi, xalqımızı, Prezidentimizi qorusun, şəhidlərimizə rəhmət eləsin, qazilərimizə şəfa versin" ifadələrinə yer verib.