Süni intelektin hər keçən il inkişafı, onun müxtəlif sahələrdə birbaşa iştirakçılığının təmini və həyatımızın hər sahəsinə sürətlə inteqrasiyası bir çox insanın ağlında gələcəkdə bütün işlərin süni intelekt tərəfindən görüləcəyi fikirini də yaradır.

 

Modern.az xəbər verir ki, Microsoftun qurucusu Bill Qeyts də bu mövzuda diqqətçəkən açıqlamalar verərək bəzi insanların narahatlıqlarına son qoyub. 

Qeytsə görə, süni intellekt zamanla bir çox işi ələ keçirəcək, lakin bəzi peşələr hələlik bu dəyişiklikdən təsirlənməyəcək. Qeytsin fikrincə, bu “şanslı üçlük” - proqram tərtibatçıları, bioloqlar və enerji mütəxəssisləridir. Onlar süni intellektin heç vaxt əvəz edə bilməyəcəyi peşələrdir. Bill Gates bildirib ki, proqram tərtibatçıları, bioloqlar və enerji mütəxəssisləri süni intellektin geniş yayılmasına baxmayaraq, uzun müddətdə öz əhəmiyyətlərini qoruyacaqlar.

Bu sahələrin hələ də insan təcrübəsi və müdaxiləsi tələb etdiyini bildirən Qeyts, süni intellektin təkrarlanan işlərdə daha təsirli olduğunu bildirib. Bununla belə, o vurğulayıb ki, mürəkkəb təhlil, texniki bilik və yaradıcılıq tələb edən işlərdə insan gücünü əvəz etmək olmaz. Qeyts qeyd edib ki, süni intellekt proqram təminatının hazırlanmasında köməkçi rol oynaya bilər, lakin proses hələ də insan nəzarətini tələb edir. Bildirib ki, kodlaşdırma xətalarının aradan qaldırılması, alqoritmlərin işlənib hazırlanması və süni intellektin özünün strukturunun təkmilləşdirilməsi kimi kritik tapşırıqlar proqram təminatı tərtibatçıları tərəfindən həyata keçirilməlidir. Bəzi sektorlarda isə avtomatlaşdırmanın çox yüksək səviyyələrə çata biləcəyi proqnozlaşdırılır.
Qeyts gələcəkdə bir çox peşənin süni intellekt tərəfindən dəyişdiriləcəyini də istisna etməyib.