Azərbaycan Dövlət Akademik Opera və Balet Teatrına 2 direktor müavini təyin olunub.
Modern.az-ın məlumatına görə, Mədəniyyət Nazirliyindən bildirilib ki, mədəniyyət naziri Adil Kərimli bununla bağlı 2 əmr imzalayıb.
Müvafiq əmrə əsasən, Gəncə Dövlət Filarmoniyasının direktoru Ramil Adıgözəl oğlu Qasımov vəzifəsindən azad olunub. O, digər əmrlə Azərbaycan Dövlət Akademik Opera və Balet Teatrının direktor müavini vəzifəsinə təyin edilib.
Adil Kərimlinin başqa əmri ilə Azərbaycan Dövlət Akademik Musiqili Teatrının direktor müavini Hüseyn Akif oğlu Hüseynov Azərbaycan Dövlət Akademik Opera və Balet Teatrının direktor müavini vəzifəsinə təyin olunub.
