Aprelin 7-də Moskvada Rusiyanın xarici işlər naziri Sergey Lavrov ilə bir sıra Avrasiya dövlətlərinin Rusiyada akkreditə olunmuş diplomatik nümayəndəliklərinin rəhbərləri arasında görüş keçirilib.
Modern.az xəbər verir ki, məlumatı Rusiya Xarici İşlər Nazirliyi məlumat yayıb.
Lavrov Avrasiyanın müxtəlif bölgələrində təhlükəsizlik vəziyyəti ilə bağlı fundamental qiymətlər verib. O, Avro-Atlantik təhlükəsizlik konsepsiyasındakı böhranı qeyd edərək, NATO dövlətlərinin Asiya-Sakit okean regionunda vəziyyətin sabitliyini pozmağa yönəlmiş təhlükəli hərəkətlərinə, Yaxın Şərqdəki partlayış vəziyyətinə, Cənubi Qafqaz və Mərkəzi Asiyada sabitliyə təhlükələrə diqqət çəkib.
Putinin bütün qitə dövlətləri və onların birliklərinin iştirakı ilə Avrasiyada yeni təhlükəsizlik arxitekturasının yaradılması təşəbbüsünün həyata keçirilməsi ilə bağlı məsələlər ətrafında fikir mübadiləsi aparılıb.
Müzakirələr zamanı Avrasiya məkanında sabitliyin təmin edilməsinin, təhlükəsizliyin bölünməzliyi prinsipinin praktikada tətbiqinin və Avrasiya problemlərinin həllində Avrasiya dövlətlərinin əsas məsuliyyətinin təmin edilməsinin zəruriliyi vurğulanıb.
