Bu gün Bakıda “BYD” markalı avtomobil Ələsgər Qayıbov küçəsindən sürətlə hərəkət edərək Heydər Əliyev prospektinin kənar yolunu kəsdiyi beton maneəni dağıdaraq prospektin əsas hissəsinə düşüb.
Hadisə nəticəsində 2 nəfər yaralanıb. Qəza sosial şəbəkələrdə ciddi müzakirələrə səbəb olub.
Modern.az xəbər verir ki, “Embawood” şirkəti bədbəxt hadisədən özünə reklam qazanmağa çalışıb.
Belə ki, mebel satışı ilə məşğul olan şirkət "real time marketing" adı altında qəzadan görüntüləri montaj edərək “Belə sürətlə, həm də təhlükəsiz - sifarişini ən qısa zamanda qapınızda!” başlığı ilə paylaşıb.
“Embawood”un bu paylaşımı sosial şəbəkələrdə etirazla qarşılanıb və ciddi şəkildə tənqid olunub.
