Ədalət Partiyası Siyasi Şurasının son iclasında təşkilatın IX Qurultayının keçirilməsi ilə bağlı prosedurlara start verilib.
Modern.az xəbər verir ki, bu barədə sədr müavini Mütəllim Rəhimli bildirib.
Onun sözlərinə görə, iclasda partiya Nizamnaməsinin tələblərinin yerinə yetirilməsinin vacibliyi vurğulanıb. Qurultayın vaxtını təyin etmək və müvafiq məsələləri müzakirə etmək üçün aprelin 19-da Ali Məclisin iclasının keçirilməsi barədə qərar qəbul olunub. İclasda partiyanın mərhum sədri İlyas İsmayılovun siyasi irsinin davam etdiriləcəyi bəyan olunub.
