Avtomobil və mənzillərdə baş verən qəfil yanğın hadisələri təhlükə və narahatlıq yaradır. Səbəb olaraq, elektrik qüsurları, qaz sızmaları və digər ehtiyatsızlıqlar nümunədir. 

Təhlükəsizlik məsələləri üzrə, ekspert  Elmar Nurəliyev Modern.az saytına bildirib ki, yanğınlara səbəb qaydaların qəsdən və ya bilmədən pozulmasıdır. Yanğının baş verməsi üçün 3 elementin aktivliyi əsasdır. Bunlara yanar maddə, istilik və oksigen aiddir. Oksigen yanar qazdır. Maddələr isə, bizi əhatə edən obyektlərin tərkibidir. Tərkib baxımından bir çox materialların yanma qabiliyyəti var. İstilik də yanma riski yüksək olan materiallara yaxın olarsa, yanğının baş verməsi qaçılmazdır. 

O deyib ki, vətəndaşlar nəqliyyat vasitələri, ev, iş yerlərində yanğınla bağlı təhlükəsizlik qaydalarını bilməli və əməl etməlidir. Tutaq ki, qızdırıcı sobanın yanında kətan, taxta, parça və.s material varsa, oksigenin təsiri ilə burada yanma riski güclüdür. Söndürülmə zamanı da 3 elementdən biri( ən azı) dövriyyədən çıxarılmalıdır. 

Yanğınların statistik baş vermə səbəblərinə nəzər yetirildikdə, ən çoxu elektrik cərəyanında baş verən qısaqapanmaların törətdikləridir. İlk olaraq, elektrik təsərrüfatı saz vəziyyətdə olmalıdır. Onu normadan artıq yükləmək qadağandır. 

Elmar Nurəliyev aydınlıq gətirib ki, vətəndaşlar elektrik şəbəkələrinin normativ tələblərini öncədən, öyrənməlidir. Bura izolyasiya, istismar aiddir. Keyfiyyəti olmayan naqillər yolverilməz partlayışlara yol açır. Əgər, nasazlıq olarsa, bunu ixtisaslı mütəxəssis və ya qurum etməlidir. 

Normadan artıq yüklənmə qızma, qısaqapanma, alışma və nəticədə yanğına səbəb olur. Vətəndaşlar, olduqları məkanda istifadə edəcəkləri elektrik məhsullarında normaları öncədən bilməli və ona uyğun davranmalıdır.

Zərif Sofiyeva