Türkiyədə demoqrafik problem yaşanmaqdadır. Modern.az CNN Türk-ə istinadən xəbər verir ki, ölkənin sosial xidmətlər və ailə naziri Mahinur Özdemir Göktaşın sözlərinə görə, Türkiyədə doğumun nisbətinin azalması həyəcanverici xarakter almağa başlayıb. Türkiyəli nazirin sözlərinə görə, ölkədə demoqrafik vəziyyət elədir ki, əhalinin yenilənməsi ehtimalı sadəcə olaraq yoxdur, bu isə o deməkdir ki, Türkiyə əhalisi sadəcə olaraq qocalmağa başlayır. Nazir Göktaşın sözlərinə görə, səbəblər istehsaldan tutmuş məşğulluq və səhiyyəyə qədər çoxlu saydadır. Türkiyəli nazir həyəcan təbili çalır ki, belə davam edərsə, o qədər də uzaq olmayan gələcəkdə hərbi xidmətə çağırış üçün gənclərin sayı artmayacaq. Hazırda Türkiyədə 65 yaşdan yuxarı insanlar əhalinin 10 faizindən çoxunu təşkil edir. Türkiyə əhalisinin 25,5 faizini və ya 21,8 milyon nəfərini 17 yaşdan kiçik uşaq və yeniyetmələr təşkil edir.
