“Rossiya Seqodnya” media qrupunun və RT telekanalının baş redaktoru Marqarita Simonyan yanvar ayından komada olan əri, rejissor Tiqran Keosayanın vəziyyətindən danışıb.
Modern.az xəbər verir ki, Marqarita Simonyanın sözlərinə görə, Keosayan xarici stimullara cavab verməyə başlayıb. Barmaqlarını tərpədir, gözlərini qırpır.
“Danışmır, amma cavab verir, gözünü qırpır. O, sussa da, ünsiyyətdə oluruq”, - Simonyan “Rossiya 1” telekanalına deyib.
O, qeyd edib ki, yanvarın əvvəlindən Keosayan klinik ölümlə üzləşib, komaya düşüb, ayın sonuna kimi heç bir reaksiya olmayıb. Yalnız bir neçə həftədən sonra ilk əlamətlər görünüb: əl hərəkətləri, göz reaksiyaları...
Marqarita Simonyan əlavə edib ki, həkimlər proqnoz vermirlər.
"Bu, tibbdən kənardır. Bəziləri bir aydan sonra, bəziləri altı ildən sonra komadan çıxır, bəziləri isə heç vaxt ayılmır”.
RT-nin baş redaktorunun sözlərinə görə, Keosayanın ürəyində ciddi problemlər var. O, üç dəfə infarkt keçirib.
Marqarita Simonyan hər zaman Azərbaycana qərəzli mövqeyilə seçilən erməni əsilli rusiyalı jurnalistdir.
