Azərbaycan Respublikasının Dövlət Ehtiyatları Agentliyi yeni xidməti avtomobillər sifariş edib.
Modern.az Trend-ə istinadən xəbər verir ki, 8 ədəd sedan tipli minik avtomobilinin alınması nəzərdə tutulub.
Məlumata əsasən, sözügedən nəqliyyat vasitələrinin 2024-cü il istehsallı olması, 5 ədədinin rənginin qara, 3-nün isə ağ olması əsas şərtlərdəndir.
Dövlət Ehtiyatları Agentliyinə sözügedən avtomobilləri “Roadster” Məhdud Məsuliyyətli Cəmiyyəti (MMC) təhvil verəcək və bunun müqabilində 295 min manat alacaq.
Qeyd edək ki, dövlət agentliyinə avtomobilləri təhvil verəcək şirkət - “Roadster” MMC 2022-ci ildə dövlət qeydiyyatına alınıb. Nizamnamə kapitalı 200 manat olan MMC-nin qanuni təmsilçisi Ülvi Bəhruz oğlu Həsənovdur.
