Müxalifyönlü erməni fəalları birləşdirən “Oyan” hərəkatı 10 gün ərzində baş nazir Nikol Paşinyana etimadsızlıq (impiçment) prosesinə başlamaq təklifi ilə parlamentin bütün deputatlarına fərdi məktublarla müraciət edib.

Modern.az xəbər verir ki, jurnalistlərə açıqlamasında Ermənistan Konstitusiya Məhkəməsi Aparatının keçmiş rəhbəri, ictimai-siyasi fəal Edqar Kazaryan deyib ki, onların təşəbbüsü fraksiya mənsubiyyətindən asılı olmayaraq parlamentin bütün deputatlarına aiddir. Onun sözlərinə görə, təşəbbüs hər bir deputatın fərdi məsuliyyətinə əsaslanır.

“Biz hər bir deputata fərdi şəkildə ünvanlanmış məktublar göndəririk, fraksiyalara ümumi açıq məktub yox”, – Kazaryan bildirib. O vurğulayıb ki, bu proses fraksiyaların birgə qərarını tələb etmir.

Kazaryan bildirib ki, Konstitusiyada da açıq şəkildə qeyd olunub ki, parlament Hökumətin fəaliyyətinə nəzarət edir.

“Hökumətin proqramı icra olunmursa, deputatın borcudur ki, özlərinin təsdiqlədiyi proqramın icrasını təmin etmək üçün baş nazirə etimadsızlıq göstərsin”, - Edqar Kazaryan vurğulayıb.

Qeyd edək ki, bundan əvvəl də müxalifət dəfələrlər Paşinyana etimadsızlı məsələsini gündəmə gətirib, lakin heç nəyə nail ola bilməyib.