Rusiya Təhlükəsizlik Şurasının sədr müavini Dmitri Medvedev prezident Vladimir Putinin üç günlük atəşkəs təklifini rədd edən Ukrayna lideri Vladimir Zelenskinin bəyanatlarına xoşagəlməz ifadələrlə cavab verib.
Modern.az xəbər verir ki, Medvedev Teleqram-da yerləşdirdiyi cavabda Zelenskini təhqir edib
“Bu qırxılmamış yaşıl g... prezident Putinin mayın 9-u üçün üç günlük atəşkəs təklifini rədd edib və deyib Moskvada dünya liderlərinin təhlükəsizliyini təmin edə bilməz. Axı kimdir ondan zəmanət istəyən? Bu, sadəcə şifahi təxribatdır, başqa heç nə.
Əclaf başa düşür ki, Qələbə günündə əsl təxribat olarsa, heç kim 10 mayın Kiyevə gələcəyinə zəmanət verə bilməz", - Medvedev Teleqram kanalında yazıb.
Xatırladaq ki, Ukrayna prezidenti Vladimir Zelenski faşizm üzərindəki qələbənin 80-ci ildönümünün qeyd edilməsilə bağlı Rusiyanın 3 günlük atəşkəs təklifini rədd edib.
Zelenski deyib ki, Kiyev mayın 9-da Moskvaya parad üçün gələcək xarici nümayəndə heyətlərinin təhlükəsizliyinə zəmanət verə bilməz. Ukrayna prezidenti 30 günlük atəşkəsdə israr edib.
Daha əvvəl Kreml Rusiya prezidenti Vladimir Putinin qərarı ilə mayın 8-i saat 00:00-dan mayın 11-i saat 00:00-a qədər atəşkəsin tətbiq ediləcəyini açıqlamışdı.
