Ədalət Partiyasının IX-cu qurultayında yeni sədr seçilib.
Modern.az xəbər verir ki, partiyanın sədr müavini Mütəllim Rəhimli yeni sədr seçilib.
O, səsvermədən sonra çıxış edib və İlyas İsmayılovun yolunu davam etdirəcəyini, ona səs verənlərin etimadını doğruldacağını bildirib.
***
14:41
Ədalət Partiyasının Qafqaz Biznes Mərkəzində IX Qurultayı keçirilir.
Modern.az xəbər verir ki, qurultayda 121 nəfər nümayəndə olmaqla ümumilikdə 200 nəfərə yaxın şəxs iştirak edir..
Qurultayda Ədalət Partiyasının sədri, Mərkəzi Nəzarət Təftiş Komissiyasının üzvləri və Ali Məclisin üzvlərinin 1/3-i seçiləcək.
***
09:41
Bu gün Ədalət Partiyasının növbəti IX Qurultayı keçiriləcək.
Modern.az xəbər verir ki, bu barədə partiyanın sədr müavini Mütəllim Rəhimli sosial şəbəkə hesabında yazıb.
Qeyd edib ki, partiyanın uzun illər sədri olmuş mərhum İlyas İsmayılovun vəfatından sonra Ədalət partiyasının ilk qurultayı olacaq.
Qurultay seçkili orqanların hesabatlarını dinləyəcək və qiymətləndirəcək. Eyni zamanda Ədalət partiyasının sədrini, Mərkəzi Nəzarət Təftiş Komissiyasının üzvlərini və Ali Məclisin üzvlərinin 1/3-ni seçəcək.
