Milli Məclisin deputatı Cavanşir Feyziyev vətəndaşları narahat edən məsələləri yerində araşdırmaq və mövcud problemlərin aradan qaldırılmasını təmin etmək məqsədilə növbəti dəfə Şəki şəhərində səyyar qəbul-görüş keçirib.
Səyyar qəbulda vətəndaşların sosial müdafiə, mənzil-məişət şəraitinin yaxşılaşdırılması, məşğulluq və digər məsələlərlə əlaqədar problemləri dinlənilib. Müraciətlərdə qaldırılan məsələlərin böyük bir qismi yerindəcə həll olunub, araşdırılmasına ehtiyac olan bir sıra məsələlər isə qanunvericiliyə uyğun, operativ həlli üçün nəzarətə götürülüb.
