Cinayətkar təşkilat Ermənistan Respublikasının müxtəlif banklarından ümumilikdə 119 milyon dram oğurlayıb.

Modern.az xəbər verir ki, bu barədə İstintaq Komitəsi məlumat yayıb.

İlkin araşdırma zamanı məlum olub ki, E.N. Ermənistan Respublikası ərazisində fəaliyyət göstərən bir sıra banklardan dələduzluq yolu ilə külli miqdarda pul vəsaitlərinin oğurlanması olan cinayətkar təşkilat yaratmış və 2024-cü ilin yanvar ayına kimi ona rəhbərlik etmişdir. O cümlədən, cinayətkar təşkilatın rəhbəri erməni əsilli Gürcüstan vətəndaşlarına gələcəkdə kredit öhdəliklərini yerinə yetirmək niyyəti olmadan müxtəlif banklara müraciət edərək kredit götürməyi tapşırıb.

Sonra kredit vəsaitləri borcalanların bank kartlarına köçürülüb və ya şəxsən verilib, bundan sonra E.N. kredit məbləğinin 30-50 faizini özünə saxlayıb, qalanını isə borcalanlara qaytarıb. Əməliyyatlarda 33 nəfər iştirak edib. Banklar 119 milyon 236 min 568 dram zərərlə üzləşib.

Bundan əlavə, E.N. Gürcüstan ermənilərinə saxta sürücülük vəsiqələri və pasportlar da satıb.

10 nəfər barəsində Cinayət Məcəlləsinin 318-ci maddəsinin 1-ci hissəsi (cinayətkar birlik yaratma və ya idarə etmə), 319-cu maddəsinin 1-ci hissəsi (cinayətkar birlikdə iştirak), 255-ci maddəsinin 3-cü hissəsinin 1 və 3-cü bəndləri (xüsusən külli miqdarda dələduzluq), 296-cı (cinayət törətmə) 3-cü hissəsinin 1-ci bəndləri ilə cinayət işi başlanıb. Cinayət Məcəlləsinin 457, 2-ci hissəsi (sənədləri, ştampları, möhürləri, blankları saxtalaşdırma və ya satma, saxta sənədlər, ştamplar, möhürlər, blanklar hazırlama və ya istifadə etmə).

Cinayətkar təşkilatın rəhbəri və üzvlərindən biri barəsində həbs qətimkan tədbiri seçilib, digər üzvü barəsində isə ev dustaqlığı seçilib.