Bu gün, mayın 29-da Ermənistan parlamentində müdafiə naziri Suren Papikyanın iştirak edəcəyi qapalı iclas keçiriləcək.
Modern.az xəbər verir ki, hakim "Mülki müqavilə" partiyasının təşəbbüsü ilə çağırılan iclasın gündəliyində cəmiyyətdə böyük səs-küyə səbəb olan icbari hərbi xidmətdən pul müqabilində qismən azad edilmə ilə bağlı qanun layihəsi var.
Xatırladaq ki, qanun layihəsində çağırışçının 18 milyon dram ödəyib 4 ay xidmət edə biləcəyi və ya 24 milyon dram ödəyib 1 ay xidmət edə biləcəyi nəzərdə tutulur.
Çoxları qeyd edir ki, bu, Ermənistan ordusunun yoxsullar ordusuna çevrilməsinə gətirib çıxaracaq, çünki yoxsullar belə bir məbləği ödəyə bilməyəcəklər.
Ötən gün parlamentin Müdafiə Komitəsi bu qanun layihəsinin müzakirəsini təxirə salıb.
