Yeni Azərbaycan Partiyası Kəlbəcər rayon təşkilatı Goranboy rayonun Qaxtut kəndində fəaliyyət göstərən Şərqi Zəngəzur Regional Təhsil İdarərsinin Kəlbəcər rayon sektorunun şəhid Tapdıq Oruçov adına Kəlbəcər rayon 60 nömrəli orta məktəb üzrə Ərazi Partiya təşkilatında 29 may 2025-ci il tarixində “Konstitusiya və Süverenlik İli” çərçivəsində tədbir keçirildi.
Modern.az xəbər verir ki, tədbirdə YAP Kəlbəcər rayon təşkilatının sədri Həbib Misirov, məktəbin direktoru və kollektivi iştirak edirdi.
Azərbaycan xalqının xilaskarı Ulu Öndər Heydər Əliyevin və torpaqlarımızın azadlığı, bütövlüyü uğurunda canlarından keçmiş şəhidlərimizin əziz xatirəsi bir dəqiqəlik sükütla yad edildi.
YAP Kəlbəcər rayon təşkilatının sədri Həbib Misirov çıxış edərək bildirdi ki, müstəqil Azərbaycan dövlətinin hüquqi əsaslarının möhkəmləndirilməsi, demokratik cəmiyyətin formalaşdırılması və ilk Konstitusiyanın qəbulu bilavasitə Ulu Öndər Heydər Əliyevin adı ilə bağlıdır. Azərbaycan Konstitusiyasının qəbulunun 30 illiyini nəzərə alaraq Prezident İlham Əliyevin 2025-ci ili “Konstitusiya və Suverenlik İli” elan etməsi hüquqi dövlət quruculuğuna və suverenliyimizin möhkəmləndirilməsinə verilən yüksək dəyərin göstəricisidir. Sədr Həbib Misirov Prezident İlham Əliyevin rəhbərliyi ilə ölkədə milli suverenliyin möhkəmləndirilməsi və hüquqi təminatların gücləndirilməsi istiqamətində əldə olunan böyük nailiyyətləri və bu sahədə dövlət siyasətinin davamlı inkişafını xüsusi vurğulayıb.
Kəlbəcər rayon 60 nömrəli məktəbin direktoru, Ərazi üzrə Partiya təşkilatının sədri Füzuli Hümbətov, Süleyman Mamedov, şəhid qardaşı Elman Orucov , Çimnaz Xəlilova, Aybəniz Cəfərova və digər çıxış edənlər Ulu Öndər Heydər Əliyevin bilavasitə rəhbərliyi ilə hazırlanmış və 1995-ci il noyabrın 12-də qəbul olunmuş Azərbaycan Respublikasının Konstitusiyasının dövlətimizin müstəqilliyinin, suverenliyinin və ərazi bütövlüyünün qorunması, hüquqi, dünyəvi dövlət quruculuğu, vətəndaşlarımızın layiqli həyat səviyyəsinin, dünya ölkələri ilə dostluq və əmin-amanlıq şəraitində əməkdaşlığın təmin edilməsi kimi ali niyyətlərin həyata keçirilməsi üçün mühüm qanunvericilik bazası rolu oynadığını vurğulayıblar.
Sonda fəal partiya üzvlərinə Fərxi fərmanlar və Partiyanın sıralarına yeni qəbul olmuş üzvlərə üzvülük vəsiqələri tədqim edildi.
