Rəna Nəcəfzadə-Səadəddinovanın rəhbərlik etdiyi qadınlar cəmiyyəti “İZ Community” tərəfindən 10-cu yubiley yarmarka-vorkşopu – "Squeeze the Moment" təşkil olunacaq.
Modern.az xəbər verir ki, 5 və 6 iyun tarixlərində, saat 12:00-dan 20:00-dək Bakıda keçiriləcək yarmarka-vorkşopa giriş sərbəstdir.
Builki tədbir inkişaf, ilham və səmimi ünsiyyət axtaran yüzlərlə qadını bir araya gətirir.
Tədbir şəhərin ən ab-havalı məkanlarından biri olan “Gizli Bahçe”də keçiriləcək və yerli, eləcə də beynəlxalq brendləri birləşdirəcək – dizayner geyimləri və akssesuarlarından tutmuş kosmetika, keramika və dekor məhsullarına qədər.
Qonaqları limon mövzulu master-klaslar, yay ab-havalı fotosahələr, musiqi proqramı və tanınmış media simaları ilə canlı diskussiya gözləyir.
“Bizim üçün ən vacibi – hər bir qadının özünü ifadə edə biləcəyi, işini tanıdacağı və həmfikir qadınlarla tanış olacağı bir mühit yaratmaqdır. Biz ilk addımlarını atan sahibkar qadınlara və startapçılara dəstək oluruq”, - deyə “İZ Community”nin təsisçisi Rəna Nəcəfzadə-Səadəddinova bildirib.
“İZ Community” bu günə qədər 6000-dən çox aktiv iştirakçı, 450-dən artıq tədbir və 15000-dən çox ziyarətçi ilə böyüməyə davam edir.
