ABŞ Dövlət Departamenti Türkiyədəki vətəndaşlarına təhlükəsizliklə bağlı xəbərdarlıq edib.
Departmentin bəyanatında Türkiyədə çalışan ABŞ hökuməti işçilərindən Türkiyənin cənub-şərqindəki 22 vilayəti əhatə edən Adana Konsulluğu bölgəsinə şəxsi səfərlərdən çəkinmələri xahiş olunur.
Xəbərdarlığa görə, ABŞ-nin xarici siyasətinə mənfi baxışların artması ABŞ və Qərbin maraqlarına qarşı etirazlara səbəb ola bilər.
ABŞ öz vətəndaşlarını diqqətli olmağa və yerli təhlükəsizlik xəbərdarlığına əməl etməyə çağırıb.
Modern.az-a açıqlamasında türkiyəli təhlükəsizlik eksperti İmbat Muğlu bildirib ki, ABŞ-nin müharibəyə daxil olması Yaxın Şərqdə gərginliyi pik həddə çatdırıb:
"İran-İsrail müharibəsi, qarşılıqlı hücumlarla aramsız olaraq davam etməkdədir. 22 iyun gecəsi ABŞ ordusu bunker dağıdan bombalarla İranın ən kritik nüvə obyektlərinin yerləşdiyi Fordo, Natanz və İsfahanı hədəfə alıb. Bu hücum ilə ABŞ rəsmən İsrailin başlatdığı müharibəyə daxil olub. ABŞ-nin müharibəyə daxil olması Yaxın Şərqdə gərginliyi pik həddə çatdırıb.
Hücumlarında ardından ABŞ Dövlət Departmenti X-də paylaşım edib. Bu paylaşımda ABŞ vətəndaşları və işçiləri üçün yeni təhlükəszilik siyahısı yayımlayıb. Paylaşımda deyilir:
"Regional hadisələrlə əlaqədar olaraq, Türkiyədəki ABŞ hökumətinin əməkdaşlarına profillərini aşağı salmaq tövsiyə edilir. Onlara, xüsusən Türkiyənin cənub-şərqindəki 22 vilayəti (Adana, Adıyaman, Batman, Bingöl, Bitlis, Diyarbakır, Hakkar, Gaziant, Mersin, Mersin, Elazığ, Kilis, Kahramanmaraş, Malatya, Mardin, Muş, Osmaniye, Siirt, Şanlıurfa, Şırnak, Tunceli, Van) əhatə edən Adana Konsulluğu ərazisinə şəxsi səfərlərdən çəkinmələri tövsiyə olunur".
O qeyd edib ki, Türkiyə dünyanın ən təhlükəsiz ölkələri sırasında ön cərgədə gedir:
"ABŞ-nin hücumları regiondakı eksalasiyanı ən üst səviyyəyə qaldırıb. Belə bir şəraitdə beynəlxalq təhlükəsizlik balansında da önəmli qırılma yaranıb. Türkiyə Respublikası hər zaman bütün hallarda ərazisində yaşayan bütün xarici vətəndaşların təhlükəsizliyini ən üst səviyyədə qorumaqdadır. ABŞ hökumətinin xaricdəki vətəndaşlarını xəbərdar etməsi başadüşüləndir. Buna baxmayaraq, Türkiyə dünyanın ən təhlükəsiz ölkələri srasında ön cərgədədir.Yaxın Şərqi qana boyamaq həvəsində olan ölkələrin ağlını başına toplaması lazımdır. İran Məclisi Beynəlxalq Təhlükəsizlik Komissiyası Hörmüz boğazının bağlanması ilə bağlı təklifi qəbul etdi. Qərar icra edilərsə,bundan dünya təsirlənəcək. Bu, dünyanın dörd bir yanında eskalasiyanın yüksəlməsinə səbəb olacaq. Ona görə də tez bir vaxtda sülhün üçün qapının açılması vacibdir".
