"Parlamentlərimiz daha uğurlu iqtisadi tərəfdaşlıq və qlobal bazarlara birgə çıxış üçün əlavə hüquqi əsaslar yaradaraq bu prosesin memarlarından birinə çevrilə bilər."
Modern.az xəbər verir ki, bu fikirləri Milli Məclisin deputatı Tahir Mirkişili deyib.
Deputat bildirib ki, parlamentlərarası sıx əməkdaşlıq, qanunvericilik səylərinin əlaqələndirilməsi və əlverişli hüquqi mühitin yaradılması ilə biz ölkələrimizin təbii sərvətlərini və insan potensialını güclü iqtisadi artım və rifah amilinə çevirə biləcəyik:
"Birgə səylər sayəsində biz təkcə ikitərəfli ticarət-iqtisadi tərəfdaşlığı gücləndirmək deyil, həm də bütün Mərkəzi Asiya və Cənubi Qafqaz regionunun iqtisadi inkişafına töhfə verərək qlobal bazarlarda mühüm oyunçuya çevrilə bilərik”
