"Azərbaycanın artıq üçüncü dəfədir ki, İƏT sammitini təşkil edir, lakin bu dəfə bu tədbir xüsusi əhəmiyyət kəsb edir, çünki o Qarabağda keçirilir. Xankəndi ilə bağlı bu seçim çoxqatlı simvolik anlam daşıyır. Uzun münaqişədən sonra Xankəndidə ilk dəfə beynəlxalq zirvə keçirilir – bu, Azərbaycanın Qarabağdakı sülh və yenidənqurma səylərini beynəlxalq aləmə nümayiş etdirir. Tədbir həm müharibədən sonrakı sülhə, həm də Azərbaycan diplomatiyasının regional nüfuzunun gücləndirilməsinə böyük töhfədir."
Modern.az xəbər verir ki, bu fikirlər Milli Məclisin deputatı Tahir Mirkişili deyib.
Deputat bildirib ki, İƏT çərçivəsində Azərbaycanın təşkilatılıq qabiliyyəti, xüsusən COP29 kimi ekoloji forumların ev sahibliyi beynəlxalq arenada təqdir olunur:
"Zirvə görüşündə regional ticarət, enerji, nəqliyyat, dayanıqlı inkişaf, sosial inklüzivlik kimi məsələlər müzakirə olunacaq. Təmiz Enerji Mərkəzi rəsmi olaraq açılacaq.
Zirvə görüşündən gözləntilər əsasən aşağıdakılardan ibarətdir:
1. Ticarət əlaqələrinin gücləndirilməsi – regionda sərbəst ticarətin inkişafı üçün yeni mexanizmlər, rəqəmsal gömrük sistemləri müzakirə olunacaq.
2. İnfrastruktur və nəqliyyat – Baku‑Tbilisi‑Qars, Cənub Qaz Koridoru kimi təşəbbüslərin davam etdirilməsi prioritetdir.
3. Enerji əməkdaşlığı – Xüsusilə bərpa olunan enerjinin ekoloji şəkildə gücləndirilməsi və region enerji təhlükəsizliyinin təmin edilməsi diqqət mərkəzindədir.
4. Dayanıqlı regional inkişaf – İqlim dəyişikliyinə qarşı mübarizə və ekoloji davamlılaşma əsas mövzulardır.
5. Sosial inklüzivlik – Gənclər və qadınların iqtisadi fəaliyyətdə rolu ayrıca gündəmə gələcək.
Bu Zirvə görüşü Azərbaycanın beynəlxalq diplomatiyadakı öncül rolunu və regional əməkdaşlıq niyyətini daha da gücləndirəcək əlamətdar hadisədir. Ölkəmizin iqtisadi əlaqələrinin güclənməsinə, region ölkələri arasında iqtisadi əməkdaşlığın güclənməsinə Zirvə görüşünün mühüm töhfəsi olacaqdır."
