Azərbaycanda 2024-cü ildə ilk dəfə 634 nəfərə viruslu hepatit diaqnozu qoyulub.
Bu barədə Dövlət Statisika Komitəsindən Modern.az-ın sorğusuna cavab olaraq məlumat verilib.
Bildirilib ki, Azərbaycan Respublikası Səhiyyə Nazirliyinin məlumatına əsasən, 2024-cü il ərzində ölkənin tibb müəssisələrində 634 nəfərə ilk dəfə viruslu hepatit diaqnozu qoyulub. Onlardan 51 nəfərdə hepatit B, 142 nəfərdə isə hepatit C aşkar edilib.
Qeyd edək ki, hər il iyulun 28-də Ümumdünya Hepatitlə Mübarizə Günü qeyd edilir.
